Si ou se yon rezidan pèmanan legal (avèk grinkat) pou omwen 5 ane  men  sa yo mande pou aplike pou natiralizasyon.

• Se pou gen 18 ane ou plis.
  
• Se pou genyen yon “grinkat” pou omwen 5-ane imedyatman anvan dat w’ap ranpli fòm N-400 –an ki se Aplikasyon pou Natiralizasyon.
  
• Viv nan eta osnon nan distrik kote USCIS  gen jiridiksyon sou zòn rezidans aplikan-an pou omwen 3-mwa anvan dat w’ap ranpli aplikasyon-an.
  
• Kòm moun ki gen kat rezidans, se pou rezide san ratman nan peyi Etazini pou omwen 5-ane, imedyatman anvan dat w’ap ranpli aplikasyon-an.
  
• Se pou fizikman prezan nan peyi Etazini pou omwen 30-mwa pandan 5-an imedyatman anvan dat w’ap ranpli aplikasyon-an.
  
• Rezide san ratman  nan peyi Etazini apati de dat ou ranpli aplikasyon pou natiralizasyon-an rive nan dat natiralizasyon-an.
  
• Fòk ou kapab li, ekri ak pale Angle;  epi gen yon konesans ak konpreyansyon sivik sou istwa ak gouvennman peyi Etazini.
  
• Fòk ou se yon moun ki gen bòn vi-e-mès ; ki dispoze respekte prensip konstitisyon peyi Etazini ; obsève toutan lòd ak lalwa ki bay kè kontan pou moun k'ap viv nan peyi Etazini.